Ég er svo ánægð þessa dagana, með Nótt og Henry og alla hvolpana þeirra.  Með pörunina, að það skyldi takast að para þessa tvo flottu fulltrúa labradortegundarinnar. Að uppfylla öll heilbrigðisskilyrði osfvr. Ég get ekki hætt að ítreka við ykkur og alla sem ætla að fá sér hreinræktaðan hund að skoða allt sem stendur á bak við hundana. Lesa sér vel til um tegundina og allt sem henni við kemur með tilliti til þess að þið eruð að eignast einn besta vin ykkar til næstu 10 - 12 ára. Vandið valið.
Ég hef lesið mér mikið til um labradorinn,ræktun og ræktendur. Í raun ætti ákvörðun verðandi hvolpa eiganda að hefjast löngu áður en hann/hún sér hvolpinn. Allir hvolpar eru sætir!  Ákvörðunin á að hefjast við fyrstu kynni við ræktandann Góð opin samskipti. Gott upplýsingaflæði og fræðsla.  Aðkoma að heimili ræktandans, er umhverfið snyrtilegt og þrifalegt. Þegar inn er komið er hreint og snyrtilegt. Er aðbúnaður tíkarinnar góður. Er aðstaða hvolpanna góð. Svo kemur eitt geysilega mikilvægt atriði. Er tíkin í góðu jafnvægi.
Er andrúmsloft á heimili ræktandans streitulaust. Lítur tíkin hraustlega út. Líta hvolparnir hraustlega út og heilbrigði í lagi. Eru þeir líflegir og mannelskir. Vandið ykkur.. Það gerum við.