Smári, María og frænkan komu í dag að heimsækja hann Valshamars-Vörð/Oliver. Smári er eins og nýbakaður faðir og talar um hvað hann eigi mikla ást handa honum Oliver. Smári lagðist endilangur á gólfið og lék við hvolpaskottið, milli knúsa og kossa.  Myndavélin var með í för sem geymir minningar um hvolpaást, þar til Smári og María koma næst í heimsókn.
Ég á von á því að Valshamars-Vetur verði heimsóttur á morgun Svo er von á henni Guðbjörgu vinkonu minni sem á sjarmatröllið ASK, flottasta goldeninn á klakanum, hún ætlar að koma vopnuð myndavélinni sinni, og hefur einna mestan áhuga að ná subbulegum grautarmyndum.

Annars held ég að við séum að ná taktinum hjá hvolpunum.... Þeir sofa og vakna allir í einu! Þá er pissað alveg AKÚT...þarna komum við inn og skutlum þeim á staðinn þar sem þeir EIGA AÐ PISSA. Eftir það er farið á barinn hjá mömmunni og svo er það grauturinn. Í kjölfar hans er kúkað í steríó.......og aftur komum við sterk inn og skutlum þeim á kamarinn. Eftir þetta allt fara þeir aftur að sofa. Við skiptum út gömlum dagblöðum fyrir ný svo þeir geti vaknað ferskir og endurtekið leikinn.