Rökkvi er sko algjör gullmoli. Við getum ekki einu sinni munað eftir þeim tíma sem hann var ekki partur af fjölskyldunni. Hann er svo duglegur og við erum bara í sjokki yfir því hvað hann er gáfaður litli kúturinn. Hjalti þarf ekki annað en að smella fingrum (bókstaflega) og þá fer hann í búrið sitt. Svo eru Rökkvi og Gabríel gjörsamlega ástfangnir hvor af öðrum, þeir leika sér saman út í eitt og hlátrasköllin sem eiga sér stað hérna eru alveg ótrúleg, það er sko eintóm hamingja hér á bæ yfir þessum gullmola:) Hann er eiginlega alltaf farinn að láta vita af því þegar hann þarf að pissa, það gerist örsjaldan að hann pissi inni, en hann hefur 2 kúkað inni. Það versta er að hann vill alltaf kúka fyrir framan bílskúrinn hjá nágrönnunum hehe (uss ekki segja neinum) :) En já hann er bara draumur og þeir bræður góðir saman, Bjarki er reyndar svolítið smeikur enn þá en Gabríel er óhræddur við að segja Rökkva hvað hann má ekki og passar Bjarka vel.

Annars voru fyrstu dagarnir svolítið erfiðir að því leiti að það var svo erfitt að sjá hvað Rökkvi saknaði systkina sinna en hann er allur að koma til og eltir okkur út í eitt og vill bara vera hjá okkur, annað hvort að kúra eða leika. Og já ég verð að segja þér það að við höfum verið að leika svolítið mikið við hann með boltann hans og hann fer alltaf og sækir hann eftir að við höfum kastað honum og þá kemur hann til baka með boltann og færir okkur hann. Hann er draumur og sætastur:)

Bestu kveðjur, Myrra og strákarnir hennar fjórir