Hæ Berglind mín!

Vildi bara láta þig vita að það gengur vonum framar hér fyrir austan. Freyja er svo góð og fljót að aðlagast. Jóhanna Lilja er í skýjunum þessa dagana og talar við hana eins og vinkonu sína. Sigríður Fanney er aðeins óöruggari í kringum hana og vill helst hafa hana í smá fjarlægð en þetta er allt að koma. Sveinn hins vegar er búinn að eignast tvíburasystur!!! Það er svo gaman að fylgjast með þeim, Sveinn réttir henni dót  og hlær og skríkir þegar hún vill leika. Hann er ekkert smeykur við hana, ýtir sér á rassinum á fleygiferð og Freyja á eftir, svo snýr hann sér undan og skrækir þegar hún reynir að sleikja hann. Alveg æðislegt, svo mikil gleði og kátína.

Bestu kveðjur, Katrín og co.